Алматы қаласы мәдениет басқармасының «Алматы әуендері» коммуналдық мемлекеттік қазыналық кәсіпорнының билеттерді сату және қайтару туралыЕРЕЖЕСІ

1. Жалпы ережелер

• 1.1. «Алматы әуендері» КМҚК (әрі қарай мәтін бойынша – Сарай) билеттерін сату және қайтару туралы осы ереже (әрі қарай мәтін бойынша – Ереже) Қазақстан Республикасы Азаматтық кодексінің, «Тұтынушылардың құқықтарын қорғау туралы» Қазақстан Республикасы Заңының, «Бақылау-касса машиналарын қолданудың кейбір мәселелері туралы» Қазақстан Республикасы Қаржы министрінің бұйрығының және «Алматы әуендері» КМҚК Жарғысының талаптарына сәйкес әзірленді.
• 1.2. Ереже Республика сарайында өткізілетін концерттерге, спектакльдерге, қойылымдарға және басқа да шығармашылық іс-шараларға (әрі қарай мәтін бойынша – іс-шаралар) билеттерді қайтару тәртібін анықтайды.
• 1.3. Ереже көрермендердің назарына Сарайдың кассалық залында және Сарайдың https://almaty-ayenderi.kz ресми сайтында орналастыру арқылы мәлімделеді. Іс-шараға билетті сатып ала отырып, сатып алушы мәдениет саласында өтеулі қызметтер көрсету шартын жасасу фактісін, сондай-ақ осы Ережемен келісімін растайды.
• 1.4. Ереженің 1.2-тармағында көрсетілген билет белгіленген үлгідегі бланкіде рәсімделген билет (оның ішінде электрондық билет нысаны), қызметі тұтынушымен төленген (әрі қарай мәтін бойынша – Көрермен) және Сарай сахнасында өткізілетін іс-шараға бару құқығын беретін билет (бұдан әрі мәтін бойынша – билет) болып табылады.
• 1.5. Мәдениет саласында өтеулі қызметтер көрсету шарты көрерменге билет пен фискалдық чек беру немесе электрондық билет пен төлем туралы түбіртек жіберу жолымен рәсімделеді.
• 1.5.1 Электрондық билет тиісті іс-шараға билетті брондау мен төлемді растайтын Сарайдың мәліметтер базасындағы сандық жазбаны қамтиды. Электрондық билеттің материалдық тасымалдаушысы тапсырыс беру кезінде көрсетілген Көрерменнің электрондық мекенжайына файл арқылы жіберілетін электрондық билеттің бланкі болып табылады. Іс-шараға қатысу үшін файлды сканерлеу құрылғысы деп санауға мүмкіндік беретін форматта басып шығару керек немесе электрондық құрылғы экранында көрсету қажет. Электрондық билеттердің бланкілері көшірілген жағдайда іс-шараға кіру төлем туралы түбіртектің болуымен расталған билет бойынша жүзеге асырылады. Төлем фактісін растау мүмкін болмаған жағдайда (интернеттің болмауы, электрондық поштаға қол жеткізу мәселелері, ақпараттық хаттың жоғалуы және т.б.) - бірінші болып ұсынылған билет бойынша.
• 1.5.2. Билет:
  1. іс-шара атауын;
  2. іс-шараның басталу уақытын;
  3. іс-шараның өткізу орнын, сондай-ақ көрерменнің көрермен залындағы орнын;
  4. билеттің бағасын;
  5. бірегей штрих-кодты қамтиды.

2. Билетті қайтару (айырбастау) тәртібі және билет құны

• 2.1. Көрермен біржақты тәртіпте өтеулі қызмет көрсету шартын орындаудан бас тартуға және келесі шарттар сақталған жағдайда билеттің төленген құнын қайтаруға құқылы.
• 2.1.1. Республика сарайының кассаларынан немесе almaty-ayenderi.kz автоматты сату қызметі арқылы ғана сатып алынған билеттер қайтарылуға жарамды.
• 2.1.2. Сарайға сатып алынған билеттерді қайтару Көрерменнің бастамасы бойынша іс-шара басталғанға дейін кемінде 72 сағат бұрын жүзеге асырылады.
• 2.1.3. Іс-шара басталуына 2 күн қалғанда билеттер қайтарылмайды.
• 2.1.4. Билетті Көрерменнің бастамасы бойынша қайтарған кезде Оператор билеттің көрсетілген құнынан жұмсалған шығыстардың өтемақысының 7% (жеті) мөлшерінде комиссияны ұстап қалуға құқылы. Қызмет ақысы, егер қолданылса, қайтарылмайды.
• 2.1.5. Жоғалған, бүлінген немесе пайдаланылмаған билеттер үшін ақшалай қаражат қайтарылмайды.
• 2.1.6. Концерттік бағдарламаны, әртістер құрамын немесе музыкалық орындауды теріс бағалау іс-шара басталғаннан кейін билетті қайтару үшін жеткілікті негіз болып саналмайды.
• 2.2. Сарай кассасынан сатып алынған билеттер кассаға қайтарыла алады. Сарайдың ресми сайтында (www. almaty-ayenderi.kz) сатып алынған электрондық билеттерді қайтару көрермендердің автоматтандырылған қолдауымен (www.almaty-ayenderi.kz/support) жүзеге асырылады. Қолдау қызметі: электрондық пошта мекенжайы support@almaty-ayenderi.kz.
• 2.2.1. Билетті Сарайдың кассасына қайтарған кезде көрермен ұсыну қажет:
  1. пайдаланылмаған билеттің түпнұсқасы;
  2. фискалдық чек;
  3. билетті қайтару туралы арыз (үлгісін соңғы беттен жүктей аласыз);
  4. жеке басын куәландыратын құжат (билет қолма-қол төленген кезде);
  5. егер билеттер қолма-қол ақшасыз есеп айырысу бойынша төленген болса, төлем жасалған банк картасының деректемелері.
• 2.3. Іс-шара Ұйымдастұрушының бастауымен болмаған, алмасқан немесе ауыстырылған жағдайда Сарай Көрерменге көрсетілген құнының 100% толық қайтарады.
• 2.3.1. Іс-шара Ұйымдастұрушының бастауымен болмауының және ауыстырылуының келесі нұсқалары мүмкін:
  1. ауыстырылу – Іс-шара күнін және қажет болған жағдайда өтетін орнын өзгерту;
  2. болмау – Іс-шараның жабылуы;
  3. алмасу – сатып алушылардың келісімі бойынша бұрын сатып алынған билеттерді сақтай отырып Іс-шараны басқасына алмастыру.
• 2.3.2. Іс-шара болмаған жағдайда Сарай көрермендердің өтінімдерін күтпей, барлық сатып алынған билеттерді өздігінен келісусіз қайтарады.
• 2.3.3. Іс-шараны ауыстыру/алмастыру кезінде Көрерменнің қалауы бойынша қаражатты қайтару Көрерменнің жазбаша өтініші негізінде билетті және жеке басын куәландыратын құжатты көрсету арқылы жүзеге асырылады. Мұндай өтінішті қарау мерзімі арыз түскен сәттен бастап 10 (он) жұмыс күні.
• 2.4. Сарай көрермендерге оқиғаның мәртебесі өзгерген бойда барлық ауыстырулар мен алмасулар туралы хабарлайды. Іс-шара болмаған және ауыстырылған жағдайда Көрермен іс-шараға сатып алынған билеттерді өз бетінше қайтаруға арыз рәсімдей отырып, ақшалай қаражатты қайтаруға өтініш береді.
• 2.5. Осы Ережемен Көрермендерді іс-шара мәртебесінің өзгергені туралы хабардар етудің келесі тәсілдері айқындалған:
  1. Сарайдың ресми сайтында (www.almaty-ayenderi.kz) «Басты» бетінің төменгі жағындағы «Жаңалықтар» айдарында жариялау;
  2. Сарайдың ресми Инстаграмында;
  3. email-тарату.
• 2.5.1. Ақпаратты ресми интернет – ресурстарға орналастыра отырып, Сарай Көрермендерге Іс-шара мәртебесінің өзгеруі туралы хабарлау міндеттемесін орындалған деп санайды.
• 2.6. Ақшалай қаражатты көрерменге қайтару келесі тәртіпте жүзеге асырылады:
  1. қолма – қол сатып алынған билеттер үшін – өтініш берілген күні қолма-қол ақшамен;
  2. банк картасы арқылы төленген билеттер үшін – билет төленген банк картасына ақша аудару арқылы. Ақшаны қайтару мерзімі күнтізбелік 10 (он) күнге дейін. Сарай банктік операцияның жылдамдығына әсер ете алмайды.
• 2.7. Сатып алушы билетті қайтару тәртібі мен негіздері оған толық жеткізілгенін, оған белгілі және түсінікті екенін растайды және келіседі.