ЖАРИЯ ШАРТ (ОФЕРТА)

«Алматы әуендері» КМҚК, әрі қарай «Оператор» деп аталатын кез келген жеке немесе заңды тұлғаға, әрі қарай «Сатып алушы» деп аталатын Интернет желісінде ақылы қызметтерді (әрі қарай – Қызметтер) ұсынады. Бұл ұсыныс ҚР Азаматтық Кодексінің 395-бабына сәйкес жария оферта (әрі қарай – Шарт) болып табылады, оның талаптарын толық және сөзсіз қабылдау (акцепт) ҚР Азаматтық кодексінің 396-бабына сәйкес сатып алушының конклюденттік әрекеттерді жүзеге асыруы – Оператордың Сайтында орналасқан «Мен келісімнің шарттарымен келісемін» батырмасын басу болып саналады.

1. ТЕРМИНДЕР МЕН АНЫҚТАМАЛАР:

• Оферта - бұл «Жария оферта» құжаты Шартта көрсетілген талаптармен шарт жасасу туралы белгісіз тұлғалар тобына ұсыныс.
• Акцепт - билеттерге тапсырыс беру және төлеу арқылы шарттың талаптарын қабылдау.
• Қызмет - нәтижелері материалдық көрініске ие емес Сатып алушының қажеттіліктерін қанағаттандыруға бағытталған қызмет.
• Ұйымдастырушы - Іс-шараларды ұйымдастыруды жүзеге асыратын және билеттерді тиісті Іс-шараларға Операторға тарату үшін беретін заңды немесе жеке тұлға.
• Іс-шара - концерт, спектакль, сонымен қатар кез келген мәдени іс-шара.
• Іс-шараның ауыстырылуы - іс-шара күнін және қажет болған жағдайда өтетін орнын өзгерту.
• Іс-шараның болмауы - іс-шараның жабылуы.
• Іс-шараның алмасуы - сатып алушылардың келісімі бойынша бұрын сатып алынған билеттерді сақтай отырып Іс-шараны басқасына алмастыру.
• Тапсырыс - бірыңғай сәйкестендіру нөмірімен біріктірілген бір жеке немесе заңды тұлғадан ресімделген бір Іс-шараға бір немесе бірнеше билет.
• Билет - ұсынушының белгілі бір Іс-шараға қатысу құқығын куәландыратын және Іс-шара туралы барлық қажетті ақпаратты қамтитын құжат (іс-шара атауы, өтетін күні мен уақыты, белгіленген орын мен билет құны).
• Бронь - Сатып алушының төлемін күту режимінде тұрған қалыптастырылған тапсырыс.
• Бронның қолданыс мерзімі - Тапсырыс рәсімделген күн мен келесі күнді қамтитын уақыт мерзімі. Белгілі бір Тапсырысқа енгізілген билеттер Бронның қолданыстағы мерзімі аралығында Сатып алушыдан басқа өзге тұлғаларға қолжетімсіз.
• Күшін жою - Оператордың сайтында on-line брондау жүйесінде еркін сатуға ауыстыра отырып, тапсырысты жою. Егер тапсырыс төленбесе, ол автоматты түрде күшін жояды.
• Сайт - Оператордың интернет желісіндегі сайты, www.almaty-ayenderi.kz мекенжайы бойынша орналасқан.

2. ЖАЛПЫ ЕРЕЖЕЛЕР

• 2.1 Осы Жария Оферта — Концерттік, ойын-сауық және басқа да іс-шараларға билеттерді брондау және өткізу бойынша қызметтер көрсетуге арналған шарт (әрі қарай мәтін бойынша — Осы қызметтерді көрсетуге арналған шарт) оларды сату кезеңінде Сайт арқылы жүзеге асырылатын Іс-шараға билеттерді сату шарттары мен тәртібін және осыған байланысты Оператор мен Сатып алушыда туындайтын міндеттемелерді регламенттейді.
• 2.2 Сатып алушыға билеттерді брондау және сату тек Осы қызметтерді көрсетуге арналған шартының талаптарында және оның толық және сөзсіз акцепті болған жағдайда ғана жүргізіледі. Ішінара акцептке, сол сияқты өзге шарттарда акцептке рұқсат берілмейді. Сатып алушының Оператордан қызметтерге тапсырыс беруі Осы қызметтерді көрсетуге арналған шартының талаптарын сөзсіз қабылдау болып саналады және олардың арасында нақты әрекеттер жасау арқылы қызмет көрсету шартын жасасқаны туралы куәландырады.

3. ШАРТТЫҢ МӘНІ

• 3.1 Оператор Сатып алушыға Интернет желісі арқылы Іс-шараларға Билеттерді сатып алу мүмкіндігін ұсынады.

4. ШАРТ ЖАСАСУ ТӘРТІБІ МЕН ШАРТТАРЫ

• 4.1 Сатып алушы Осы қызметтерді көрсетуге арналған шартында белгіленген акцепт бойынша әрекеттер жасағанға дейін ол шарттың талаптарымен танысқанын растайды және келіседі. Сатып алушы Осы қызметтерді көрсетуге арналған шартының ережелері оған толық түсінікті екендігін растайды және келіседі.
• 4.2 Сатып алушының келесі әрекеттері Сатып алушының Осы қызметтерді көрсетуге арналған шартының талаптарын толық және сөзсіз қабылдауы болып танылады:
  1. Билетті сатып алу мақсатында Сатып алушының Сайтқа жүгінуі;
  2. Өзі туралы деректерді ұсына отырып, Сатып алушының сайтта тіркелуі: Т.А.Ә., абоненттік нөмір және электрондық пошта мекенжайы;
  3. Сатып алушы жүгінген кездегі бар Іс-шара мен билетті таңдау, Ұйымдастырушының жас шектелімімен танысу;
  4. Тапсырысты Оператордың Сайты, төлеу және Іс-шараға билетті алу арқылы жүзеге асыру.
• 4.3 Осы қызметтерді көрсетуге арналған шарттың 4.2-тармағында көрсетілген барлық әрекеттердің жасалуы Сатып алушының түгел немесе шектеусіз қызмет көрсетуге арналған Осы қызметтерді көрсетуге арналған шарттың барлық талаптарын толық және сөзсіз қабылдауын білдіреді және жазбаша шарт жасасумен тең.

5. ДЕРБЕС ДЕРЕКТЕРДІ ӨҢДЕУ ШАРТТАРЫ

• 5.1 «Дербес деректер және оларды қорғау туралы» Қазақстан Республикасының 2013 жылғы 21 мамырдағы № 94-V Заңының ережелеріне сәйкес Сатып алушы Сатып алушының Осы қызметтерді көрсетуге арналған шарттың 4-тармақ 2-тармақшасында көрсетілген әрекеттерді жасағанын мойындайды және келіседі, Сатып алушының Операторға өзінің дербес деректерін, сол сияқты Сатып алушы Операторға тапсырысты рәсімдеу, Билетті сатып алу процесінде хабарлайтын үшінші тұлғалардың дербес деректерін ұсынуға толық және ақпараттандырылған келісімі болып табылады, атап айтқанда: тегі, аты, әкесінің аты, жынысы, байланыс телефон нөмірі, қаласы, туған күні (немесе жасы) және электрондық пошта байланыс мекенжайы.
• 5.2 Осымен Сатып алушы Сатып алушының Операторға Осы қызметтерді көрсетуге арналған шарттың 4-тармағының 2-тармақшасында көрсетілген дербес деректерді беруі Сатып алушыға билетті брондау және өткізу жөніндегі қызметтерді көрсету мақсатында, оның ішінде Сатып алушының Осы қызметтерді көрсетуге арналған шартта белгіленген тәртіппен және талаптармен ақпараттық хабарламалар және жарнамалық таратылым алу мақсатында жүзеге асырылатынын мойындайды және қызмет көрсетуге келіседі. Берілген дербес деректерді пайдалану мерзімі – мерзімсіз.
• 5.3 Дербес деректерді өңдеу «Дербес деректер және оларды қорғау туралы» Қазақстан Республикасының 2013 жылғы 21 мамырдағы № 94-V Заңына сәйкес жүзеге асырылады және жинау, жүйелеу, жинақтау, сақтау, нақтылау (жаңарту, өзгерту), сұрыптау, пайдалану, иесіздендіру, шектемелеу, жоюды қамтиды. Оператор автоматтандыру құралдарын пайдалана отырып, дербес деректерді өңдеуді жүзеге асырады.
• 5.4 Сатып алушы осымен Операторға Осы қызметтерді көрсетуге арналған шарттың 5.3-тармағында көрсетілген тәсілдермен Осы қызметтерді көрсетуге арналған шарттың 5.2-тармағына сәйкес пайдалану мақсатында, сондай-ақ басқа мақсаттарда үшінші тұлғаларға Осы қызметтерді көрсетуге арналған шарттың 4.2-тармағында көрсетілген дербес деректерін беру және өңдеу құқықтарын беруге өзінің толық келісімін береді. Сатып алушының талабы бойынша Оператор Сатып алушыға осы тармаққа сәйкес оның дербес деректерін үшінші тұлғаларға беру туралы ақпарат беруге міндеттенеді.
• 5.5 Сатып алушы Операторға электрондық пошта арқылы helpdesk@almaty-ayenderi.kz мекенжайына тиісті өтінішті жіберу арқылы жарнамалық таратылымды алудан бас тартуға құқылы.
• 5.6 Таратылымды алудан бас тарту өтініші Сатып алушымен Осы қызметтерді көрсетуге арналған шартының 5.5-тармағына сәйкес берілуі және Сатып алушы туралы ақпаратты қамтуы тиіс: тегі, аты, әкесінің аты (егер қолданылса) және тарату тізімінен алып тастауға тиісті байланыс нөмірлері. Өтінішке Сатып алушы қол қояды және Операторға жолдайды.
• 5.7 Сатып алушының өтініші Осы қызметтерді көрсетуге арналған шарттың 5.5-тармағында көрсетілген талаптарына сәйкес келген жағдайда қанағаттандыруға жатады.
• 5.8 Сатып алушының байланыс нөмірлерін Оператордың жарнамалық тарату тізімінен алып тастауы Оператор Сатып алушыдан тиісті өтініш алған күннен бастап 3 (үш) жұмыс күні ішінде жүзеге асырылады.

6. ОПЕРАТОРДЫҢ МІНДЕТТЕРІ МЕН ҚҰҚЫҚТАРЫ

• 6.1 Оператор міндеттенеді:
  1. Оператор өзіне келесі қызмет түрлерін орындау бойынша міндеттемені өз мойнына алады: Оператордың сайты арқылы немесе өзге де тәсілмен Сатып алушыдан келіп түскен өтінімдер бойынша Іс-шараларға билеттерді сату және брондау, тапсырыстарды рәсімдеу;
  2. Сатып алушыға Осы қызметтерді көрсетуге арналған шарттың барлық талаптарына сәйкес келетін тиісті түрде және сапада қызмет көрсету;
  3. Сатып алушыға Іс-шаралар мәселелері бойынша толық, шынайы және жан-жақты ақпарат беру;
  4. Құпиялылық шарттарын сақтау, яғни осы шартты орындау шеңберінде тараптардан алынған барлық мәліметтер құпия болып табылады және үшінші тұлғаларға жария етілмейді.
• 6.2 Оператор құқылы:
  1. Сатып алушыдан Осы қызметтерді көрсетуге арналған шарттың сақталуын және орындалуын талап етуге;
  2. Осы қызметтерді көрсетуге арналған шартын жасасудан Сатып алушыға хабарлай отырып, себептерін түсіндірмей бас тартуға құқығы бар;
  3. Қолданысы басталғанға дейін кемінде 7 (жеті) күн бұрын Оператордың www.almaty-ayenderi.kz веб-сайтына орналастыра отырып, Осы қызметтерді көрсетуге арналған шартты өзгерту және біржақты тәртіппен өзгерістер енгізу;
  4. 4)Егер билетті сатып алушы төлемесе, рәсімделген Тапсырысты, Броньды жою.

7. САТЫП АЛУШЫНЫҢ МІНДЕТТЕРІ МЕН ҚҰҚЫҚТАРЫ

• 7.1 Сатып алушының міндеттері:
1. Осы шарт жасалған сәтке дейін Концерттік, театрлық-ойын-сауық және өзге де іс-шараларға билеттерді брондау және өткізу бойынша қызметтер көрсету шартының Жария офертасының мазмұнымен және www.almaty-ayenderi.kz сайтында орналастырылған шарттармен, нұсқаулықтармен танысу;
2. Оператордың қызметтеріне уақтылы және толық көлемде ақы төлеу;
3. Тапсырысты рәсімдеу кезінде Сатып алушы туралы қажетті дұрыс, дәл және толық ақпарат беру. Сатып алушы кәмелетке толмаған балаларға сатып алынған билеттер үшін жауапты. Сатып алушы кәмелетке толмаған балаларды жіберуге қатысты нақты Іс-шараның шектеулерімен танысуға міндетті. Сатып алушы мұндай адамдар үшін толығымен жауапты және кәмелетке толмаған балаға, сол сияқты Сатып алушының өзіне белгіленген жас шектеулері бұзылған жағдайда Іс-шараға барудан (билет сатып алуға) бас тартылуы мүмкін екендігімен келіседі.
• 7.2 Сатып алушы құқылы:
1. Осы шартты жасасу еркіндігіне және үшінші тұлғалардан шарт бойынша қызмет көрсетуге Операторды таңдау құқығына;
2. Қызмет көрсету фактісін растайтын құжатты алуға;
3. Қызмет көрсету фактісін растайтын құжатты алуға;
4. Оператордың осы шартты тиісінше орындауын талап етуге.

8. АҚШАНЫ ҚАЙТАРУ ТӘРТІБІ МЕН ШАРТТАРЫ

• 8.1 Оператор Сатып алушыға басып шығарылмаған және пайдаланылмаған (тапсырысты тіркеу кезінде поштада немесе жеке кабинетте көрсетілген электрондық билеттер), Сатып алушы мерзімін өткізген немесе жоғалтқан билеттер үшін ақшаны қайтармайды.
• 8.2 Сатып алушының қалауы бойынша билеттерді айырбастау және қайтару Іс-шара басталғанға дейін кемінде 72 сағат бұрын жүргізіледі.
• 8.2.1 Билетті Сатып алушының бастамасы бойынша қайтарған кезде Оператор билеттің номиналды құнынан жұмсалған шығыстардың өтемақысының 7% (жеті) мөлшерінде комиссияны ұстап қалуға құқылы. Қызмет ақысы, егер қолданылса, қайтарылмайды.
• 8.3 Ұйымдастырушының бастамасы бойынша Іс-шара болмаған, ауыстырылған немесе алмасқан кезде Сатып алушыға ақшаны қайтару Сатып алушының жазбаша өтініші негізінде билетті және жеке басын куәландыратын құжатты көрсету арқылы жүзеге асырылады. Мұндай өтінішті қарау мерзімі арыз түскен сәттен бастап 10 (он) жұмыс күні.
• 8.3.1 Ұйымдастырушының бастамасы бойынша Іс-шара болмаған, ауыстырылған немесе алмасқан кезде Сатып алушы ақша Билеттің номиналды құны мөлшерінде ғана қайтарылатынын қабылдайды және келіседі. Қызмет ақысы, егер қолданылса, қайтарылмайды.
• 8.4 Сатып алушы Республика сарайында өтетін Іс-шаралар мәртебесінің өзгергенін (болмауын, ауыстыруын немесе алмасуын) куәландыратын ресми ақпарат Оператордың ресми сайтында орналастырылған ақпарат болып табылатынын қабылдайды және келіседі.
• 8.5 Іс-шараларға билеттерді қайтару тәртібі және билеттің төленген құны туралы толық ақпарат «Билеттерді сату және қайтару туралы» Ережеде түсіндірілген және Оператордың сайтында орналастырылған: www.almaty-ayenderi.kz.

9. ЖАУАПКЕРШІЛІКТІ ШЕКТЕУ

• 9.1 Оператор Іс-шараның болмауына, ауыстыруына немесе алмасуына, сол сияқты Оператордың міндетті тұлға болып табылмауына байланысты Қызмет көрсету шартын орындамаған және (немесе) тиісінше орындамаған кез келген жағдайларға, сол сияқты Ұйымдастырушы мен Сатып алушы арасында жасалған осындай мәміле бойынша тарап Билетті сатып алуына байланысты жауапты емес.
• 9.2 Оператор Іс-шараларды Ұйымдастырушының және (немесе) оның атынан және оның тапсырмасы бойынша не өз атынан әрекет ететін өзге де адамдардың іс-әрекеттері, сондай-ақ Іс-шараны өткізу және оның мазмұны фактісі үшін жауапты емес.
• 9.3 Сатып алушы Оператордың Іс-шара сапасына, сол сияқты өзге де тұтынушылық және өзге де қасиеттеріне (сапаларына) жауапты емес екенін растайды және келіседі.
• 9.4 Тараптар осы шарт бойынша міндеттемелерді ішінара немесе толық орындамағаны үшін, егер бұл орындамау шарт жасасқаннан кейін қатысушы ақылға қонымды шаралармен (форс-мажор) болжай да, алдын ала да алмаған төтенше сипаттағы оқиғалар нәтижесінде туындаған еңсерілмейтін күш мән-жайларының салдары болып табылса, жауапкершіліктен босатылады. Мұндай төтенше оқиғаларға табиғи апаттар, әскери әрекеттер, мемлекеттік органдар мен басқару актілері жатады.
• 9.5 Билетті рәсімдеу және алу, Іс-шараға қатысу, сондай-ақ Осы шарт шеңберінде қызметтерді алу және пайдалану тәртібі туралы ақпаратты қате түсіну немесе түсінбеу нәтижесінде Сатып алушыға келтірілген кез келген залалдар мен моральдық зиян үшін Оператор жауапты емес.

10. ТӨЛЕМ ЖАСАУ ТӘРТІБІ

• 10.1 Билет толық төленгенге дейін сатып алушыға берілмейді.
• 10.2 Сатып алушы Билетті төлеуді келесі тәсілдермен жүзеге асыруға құқылы: халықаралық төлем жүйелерінің рұқсат етілген банктік (кредиттік немесе дебеттік) картасы арқылы қолма-қол ақшасыз тәсілмен; Оператордың кассасына қолма-қол ақша енгізу арқылы.
• 10.3 Тапсырысты рәсімдеген сәттен бастап 30 (отыз) минут ішінде брондалған Билеттерден бас тартылған не төленбеген жағдайда тапсырыстың күші жойылады және билет сатылымға қойылады.
• 10.4 Билет Сатып алушыға Сатып алушы осы Билетті төлеу туралы Осы қызметтерді көрсетуге арналған шарт талаптарын сақтаған жағдайда ғана жіберіледі.

11. ҚОРЫТЫНДЫ ЕРЕЖЕЛЕР

• 11.1 Осы қызметтерді көрсетуге арналған шартында өзгесі белгіленбегендіктен, Тараптардың қарым-қатынасына Сайтта жарияланған өзге де ережелер қолданылады. Көрсетілген ережелерді қолдану міндетті. Сатып алушының Осы қызметтерді көрсетуге арналған шартының талаптарымен келісуі оның барлық ережелерді қолдануға толық және ақпараттандырылған туралы келісімін білдіреді.
• 11.2 Осы Шартқа енгізілетін барлық өзгерістер және (немесе) толықтырулар Сайтта орналастырылуы тиіс және осындай өзгерістер және (немесе) толықтырулар Cайтта орналастырылған кезден бастап күшіне енеді.

КГКП «Алматы әуендері»
Алматы қ., Достық даңғ., 56
БИН 030540002693
ИИК KZ178562203105199079
БИК KCJBKZKX, Кбе 16
АО «Банк ЦентрКредит»
тел: 8(727) 291-55-14