Шығармашылық құрам

Біз туралы

Алматы қаласы Қазақстанның астанасы ретінде өзінің мәртебесін баяғыда-ақ айқындаған болатын. Сонда да болса Алматы тәріздес мегаполисте тұңғыш рет мемлекеттік қалалық көркемөнер галереясының – «Almaty Gallery» 2018 жылдың 1 желтоқсанында ашылуы өз алдына айтарлықтай жаңалық болды деп айтуға болады. Осы орайда аталмыш «Almaty Gallery» галереясының қаланың тарихи төрінде, барша алматылықтар мен қала қонақтарына жақсы таныс «Үш батыр» тұрғын үй кешенінде орналасуы да көңілден шыққандай. Осы бір өткен ғасырдың 60- шы жылдарының аяғында тұрғызылған тұрғын үй үй-бақты, үй-террассаны көз алдыңа әкеліп, кеңестік сәулетшілер Анатолий Петров пен Борис Чурляевтің ірі панельді үй құрылысы саласындағы ізденістері мен тәжірибелік жобаларының жиынтық нәтижесін паш етіп тұрғандай. Кешен қаланың бір символы ретінде де тарихи тұрғыдан бағалы, сондықтан да «Үш батыр» тұрғын үй кешенін «Almaty Gallery» көрмесінің алғашқы экспозициясы деп те атауға әбден болады. «Almaty Gallery» көрме түріндегі галерея болғандықтан да өнерді дамытып насихаттауды мақсат етеді, жеке және топтық шығармалар көрмесі үшін есігін айқара ашып, өз көрермендерін Қазақстан мен алыс-жақын шет елдік суретшілер шығармаларымен таныстыра отырып, қазіргі көркемөнердің жаңалықтарын жария етуге, жаңа авторлардың танылуына, жас ұрпақ пен қалың көпшіліктің өнер әлеміне терең бойлауына мұрындық болады. Сондықтан да «Almaty Gallery» галереясының негізгі қызметі де көрмелер қйымдастыруға, көркемөнер негіздерін үйретуге бағытталған дәрістер, мастер-кластар, өнертануға байланысты лекциялар ұйымдастыруға, көркемөнер шығармаларын, декоративті-қолданбалы өнер бұйымдарын, қолөнер бұйымдары мен түрлі сыйлықтар көрмесі мен дайын сурет өнімдерін рама жақтауларымен әдіптеуді ұйымдастыруға т.б. бағытталады. Бұларға қоса, Қазақстан суретшілерімен тығыз байланыс орната отырып, олардың үздік шығармаларын Халықаралық арт-нарыққа шығару да «Almaty Gallery» галереясының көп жоспарларының бірі. Өкінішке орай, бүгінгі таңда «Almaty Gallery» галереясының тұрақты жұмыс істейтін экспозициясы жоқ, сондықтан да қазақстандық және шет елдік суретшілердің жұмыстарынан құралған жеке көркемсурет коллекциясын жинастыру – галереяның жеке фондын қалыптастыру да алдағы күн мақсаты. «Almaty Gallery» жанынан ашылатын «Сурет және бейнелеу өнері сабақтары» көркемөнер студиясында оқушылар бейнелеу өнері негіздерінен дәрістер тыңдай алады. Сондай-ақ осы саладағы оқу орындары мен дүниежүзілік көрмелердің ұзақ жылғы тәжірибелерін жалғастыра отырып, «Almaty Gallery» «Кешкі суреттер» атты студия жұмысын бастауды жоспарлауда. Студияда кәсіби суретшілермен бірге көркемсурет факультеттерінің студенттері де тірі мүсіндермен жұмыс істеу, мастер-кластарға қатысу арқылы өздерінің академиялық білімдерін жетілдіре, шеберліктерін ұштай алады. Кез келген адам, бөгде елге келгенде, өзіне қызықты-қызықты деген жерлерді, елдің сәулетті көріністерін көбірек көруге, бөгде мәдениетпен жақын танысуға тырысады. Әрине, әсем қаламыз Алматыға келер болсақ, сырттан келуші қонақтар тамаша табиғат көріністері мен архитектуралық ескерткіштерден басқа көрмелерді, театрлар мен концерт залдарын, көркемөнер галереяларын, соның ішінде қалалық «Almaty Gallery» көрмесін де көруге асығатындығы анық. Ал «Almaty Gallery» галереясы болса, өз қонақтарын әркез қызықты жобалармен, жаңа да мазмұнды көрмелермен қарсы алады. Сондықтан да біздер, өнерді және өз қаласын мейлінше жақсы көрушілер, болашақта «Almaty Gallery» көрмесінің гүлденіп, белгілі галереялар қатарында танылуы үшін талмай қызмет етпекпіз!

ЖЕТЕКШІСІ

Әліб Наргиз Абайқызы
1992 жылдың 24 ақпанында Алматы қаласында дүниеге келген. Өнертану магистрі, Қазақстан Республикасы Суретшілер одағының мүшесі. 2006-2009 жылдары Ә.Қастеев атындағы Алматы көркемсурет және техникалық дизайн мектебін – ЮНЕСКО клубын (2006-2009) бітіргеннен кейін, 2009-2011 жылдары Т.Жүргенов атындағы Қазақ Ұлттық Өнер академиясының колледжінде білім алады. 2014 жылы осы аталмыш Өнер академиясын «Станокты көркем сурет» мамандығы бойынша үздік бітіріп, бакалавр дипломына ие болады. Ал 2015-2017 жылдары Өнер академиясының магистратурасын «Өнертану» мамандығы бойынша бітіре және «Мәдени-рухани мұра ретіндегі Қазақстанның қазіргі суретшілерінің шығармашылығы: бейнелеу өнері мен дәстүрлі мәдениеттің өзара қарым- қатынас проблемалары» (ғыл.жетекшісі О.В.Батурина) тақырыбында дипломдық жұмысын үздік қорғай отырып, «Өнертану магистрі» атағын алып шығады.
Магистратурадағы білім алу кезінде И.Е.Репин атындағы Санкт- Петербург мемлекеттік академиялық өнер, мүсіндеме және архитектура институтында, сонымен бірге «ХХІ ғасыр өнері» бағдарламасы бойынша Италияда (Рим қаласында) стажировкадан өтеді. Бұған қоса, 2017 жылы «Қайнар» университетінің «Құқықтану» факультетін бітіріп, қосымша жоғары білімге ие болады. Наргиз Абайқызы өзінің еңбек жолын 2011 жылы жеке компанияларда, сауда-ойын сауық орталықтары мен демалыс базалары, галереяларда арт- менеджер, арт-директор болып жұмыс істеуден бастайды. Ал 2018 жылдан бастап Қазақ ұлттық педагогикалық университетінің «Өнер, мәдениет және спорт» институты «Бейнелеу өнері білімі» кафедрасында оқытушы болып қызмет атқаруда. Өнертану бойынша бірқатар мақалалары қазақстандық және шет елдік басылымдарда жарияланған. Наргиз Әліб Халықаралық және Ұлттық конкурстар мен фестивальдердің дипломанты. Атап айтар болсақ: «Жас шебер» Халықаралық фестиваль-конкурсы (Астана қаласы, 2010 жыл), ҚР Тәуелсіздігінің 20 жылдығына арналған Ұлттық Дельфия ойындары (Алматы қаласы, 2011 жыл), творчестволық жастардың XV Халықаралық «Шабыт» фестивалі (Астана, 2012 жыл), Халықаралық түрік мәдениеті ұйымы – «ТҮРІКСОЙ-дың» ұйымдастыруымен өткен аталмыш ұйымның 19-шы Халықаралық Пленэрі (Түркия, Малатия қаласы 2016 жыл), т.б. 2016 жылы ҚР Мәдениет және спорт министрлігі мен Ұлттық мұражайдың бірлесе отырып Қазақстан Тәуелсіздігінің 25 жылдығына орай ұйымдастырған «Ұрпақтар аманат еткен Тәуелсіздік» атты көрмеде Әліб Наргиздің «Орыс елшілері Әбілқайыр ханның қабылдауында» (2,60х1,50, кенеп, майлы бояу) атты шығармасы Ә. Қастеев атындағы Мемлекеттік мұражайда көпшілік назарына ұсынылды.
Наргиз Әліб, сонымен бірге, түрлі дәрежедегі көптеген көрмелердің де белсенді қатысушысы: «Болгарская роза» көрмесі (Приморско қаласы, Болгария), И.Е.Репин атындағы Санкт-Петербург мемлекеттік академиялық өнер, мүсіндеме және архитектура институты көрмесі (Ресей), «Менің өлкем» көрмесі (Алматы, «Белый Рояль» галереясы), жас суретшілер көрмесі (Қытай, Сиянь қаласы), «Шығыс бояулары» көрмесі (Өзбекстан, Самарқанд қаласы), L`Accademia di Francia a Roma (Италия, Рим қаласы), «Күшіміз – бірлікте!» көрмесі (Түркие, Малатия қаласы), «Ұрпақтар аманат еткен Тәуелсіздік» көрмесі (Қазақстан, Астана қаласы), «Хортобадь көрмесі» (Венгрия, Будапешт қаласы) т.б. 2019 жылдан бастап ҚР Суретшілер одағының мүшесі. Оның көптеген жұмыстары жеке коллекцияларда сақтаулы. Almaty Gallery жетекшісі

О нас

«Жаңа ғасыр» театры 2018 жылдың желтоқсан айында Алматы қаласы Мәдениет және архивтер басқармасына қарасты Алматы әуендері мекемесінен құрылған.
«Жаңа ғасыр» театрының әртістері КСРО Халық әртісі, ҚР-ның Еңбек Ері А. Әшімовтың түлектері болып табылады. «Жаңа ғасыр» театрының ашылу салтанаты 2019 жылы 8 мамыр күні Республика сарайында ресми түрде өтті.
Бүгінгі күні театр қоржынында 8 қойылым бар, соның ішінде М. Әуезовтың шоқтығы биік «Қарагөз» трагедиясы, И. Штраустың «Жарқанат» комедиясы, С.Өтешев аударған И.Миччидің «Король Лев» музыкалық драмасы, Е.Ташкенбайдың «Соңғы қоңырау» поэтикалық драмасы, Н.Гогольдің «Вий» драмасы, Ф.С.Фицджеральдтің «Гэтсби» драмасы, К.Гольдонидің «Айлакер жесір» комедиясы, Р.Томның «Сегіз әйел—ол жалғыз» музыкалық спектаклі.
2019 жылы театр Актөбе қаласында «Эксперимент балауса» халықаралық фестиваліне Н. Гогольдің «Вий» спектаклімен қатысып, «Фестиваль сахнасындағы дебют» номинациясын жеңіп алды.
2019 жылы маусым айында театр Астана қаласында өткен халықаралық «Самғау» фестиваліне қатысып, «Дебют» атанды. Сонымен қатар, театр 2019 жылы қазан-қараша айларында еліміздің Батыс өңіріне гастрольдік сапармен барып, Батыс Қазақстан облысы әкімінің арнайы мадақтау қағазымен марапатталды.
2019 жылдан бастап «Жаңа ғасыр» театры Қазақстан театрлар ассоциациясының мүшесі атанды. Бүгінгі таңда өзінің кең ауқымды аудиториясы мен тұрақты көрермені бар заманауи театрлардың біріне айналып келе жатыр.
Алдағы уақытта да «Жаңа ғасыр» театры Алматы қаласының тұрғындары мен қонақтарын қызықты жобалармен, жаңа да, мазмұнды сахналық қойылымдармен қарсы алады деген, – сенімдеміз.

ЖЕТЕКШІСІ

Асанәлі Әшімұлы Әшімов

Театрдың көркемдік жетекшісі – КСРО Халық әртісі, ҚР-ның Еңбек Ері, Мемлекеттік сыйлықтардың иегері, Қазақстан театрлар ассоциациясының Президенті – Асанәлі Әшімұлы Әшімов.

Біз туралы

Алматы қаласы Әкімінің Эстрадалы-симфониялық оркестрі 1956 жылы ҚазКСР Радио және Телевидение Комитетінің жанында құрылды. Еліміздің бұл ежелгі музыкалық ұжымы басқалардан өзінің қайталанбас шығармашылық келбетімен, биік беделімен және жоғары кәсіби шеберлігімен ерекшеленеді.

Өзінің шығармашылық қызмет жолында оркестр ұжымы джаз және эстрада музыканттары қауымдастығының үлкен беделіне қол жеткізіп, сондай-ақ республика ішінде ғана емес, шетелде де мыңдаған табынушыларға ие болды.

Әр жылдары оны В. Каретинков, В. Лисица, А.Гурьянов, К.Дуйсекеев, Н.Байкозов сынды көрнекті музыканттар басқарды. 2013 жылдан бастап оркестрдің бас дирижері мен шығармашылық жетекшісі болып Александр Беляков басқарып келеді, әлбетте, оның ұжымды жаңа шығармашылық деңгейге көтеруге сіңірген еңбегін атап өту керек.

Оркестрдің негізгі міндеті – әрқашан қазақстандық музыканы насихаттау болатын, сондай-ақ еліміздің композиторларымен, әншілерімен, аспапшыларымен белсенді бірлесіп жұмыс істеу болды. Солардың ішінде эстрада мен классика өнерінің танымал үздіктері КСРО Халық әртістері Б.Төлегенова, Е.Серкебаев, Ә.Дінішев және ҚР Халық әртістері Роза Рымбаева, Лаки Кесоглу, Нағима Есқалиева бар. Қазақстанның музыкалық олимп шыңына шығуға талпынып жүрген жас дарынды орындаушыларға да ерекше көңіл бөледі.

Оркестрдің шығармашылық қызметі ауқымды және әр алуан. Бұған Қазақстан қалаларындағы өткізілетін концерттер, радио мен телевидениеде жүргізілетін жазбалар, әртүрлі фестивальдар, байқаулар, шоу-жобалар мен әр жылдардағы, соның ішінде Лев Лещенко, София Ротару, Валентина Толкунова, Лариса Долина, Сергей Захаров, «Би-2» тобы, «Кватро» және тағы басқа шетелдік эстрада жұлдыздарымен бірлескен жобаларды жүзеге асыру жұмыстары жатады.

Бүгінгі күні оркестрде халықаралық джаз байқаулары мен фестивальдарының лауреаттары – Э. Саршаев, В. Хоменков, К. Логвинов, В. Демченко, В. Осипов сынды республикамыздың үздік музыканттары жұмыс істейді. Олар өздерінің жоғары кәсіби шеберліктерімен ерекшеленіп қана коймай, өз білімдері мен тәжірибелерін жас буынды орындаушылармен бөлісуге талпынады.

Әлбетте, оркестрдің шығармашылық қызметіне жаңа қарқын қосқан оның Империялық орыс балетімен, «XXI ғасыр теноры» ұжымымен бірлескен жаңа бағдарламалары, мұзда мәнерлеп сырғанаудың шебері Денис Теннің қатысуымен Мұз айдын шоуын қоюға қатысуы, телевизиялық жазбалар мен концерттік өнер көрсетулері болды.

Оркестрдің болашақтағы жоспарында шығармашылық қызметтің барынша алуан түрлері – эстрадалық музыка фестивальдары, соның ішінде халықаралық фестивальдарды да ұйымдастыру, әртүрлі телевизиялық және музыкалық жобалардың құрылуына атсалысу, отандық эстрада мэтрларымен, сондай-ақ болашағынан үміт күттірер жас әртістермен бірлескен концерттер бар.

Оркестрдің күш-жігері де, шығармашылық жоспарлары да жетерлік және ол өзінің отандық және шетелдік тыңдармандарын шығармашылық шеберлігінің жаңа шыңдарымен әлі де ұзақ жылдарға қуанта бермек.

ЖЕТЕКШІСІ

Беляков Александр Викторович

1967 жылы 8 қазанда дүниеге келген. 1990 жылы Мәскеу ПИ консерваториясының әскери училищесін үздік бітірді. Чайковскийдің «Оркестрді өткізу, әскери оркестрлік қызметті ұйымдастыру, көшбасшылық ансамбльдер» мамандығы.

1994 жылдан бастап 2012 жылға дейін Александр Викторович Қазақстан Республикасы Қорғаныс министрлігінің әскери оркестрлік қызметін басқарды – Қазақстан Республикасы Қарулы Күштерінің бас әскери дирижері болды. Сонымен қатар, 1992 жылдан бастап, Қазақстан Республикасының Мемлекеттік Жұлдыз Магистрі дирижері болып жұмыс істеді.

Осы жылдар ішінде Беляков әскери оркестрлердің қалыптасуына және кәсіби өсуіне, әскери музыканы насихаттауға және жастарды патриоттық тәрбиелеуге үлкен үлес қосты. 2004 жылы оның редакциясымен «Қазақстан Республикасы Қарулы Күштерінің әскери оркестрінің бұрғылау-репертуарының» жинағы шығарылды. Бұл, шынында да, Қазақстандағы осы басылымның бірінші басылымы, ол, сонымен бірге, мемлекет басшысының жоғары бағасына ие болды.

2000 жылы Беляков басшылығымен Қазақстан Республикасы Қорғаныс министрлігінің эстрада-симфониялық оркестрі құрылды, ол дереу жоғары шығармашылық деңгейге ие және 2001 жылы әлемге әйгілі Мишель Легранмен бірге концерттік бағдарламаны орындауға лайықты.

2001 жылдан бастап 2012 жылға дейін Александр Қазақ ұлттық консерваториясында жұмыс істеді. Құрманғазы диссертациялық көмекші дәрежелерде жетекші диссертацияларды жүргізеді. Бүгінгі күні Қазақстанның түрлі оркестрлерінің басшылығымен бірқатар түлектер дайындады.

2012 жылы Александр Викторович Алматы қаласы әкімінің аффекторлық симфониялық оркестріне, көркемдік жетекші және бас дирижер ретінде қосылды. Оның күш-жігерінің арқасында оркестр жоғары кәсіби деңгейге жетті және өзінің арнайы қолжазбасын сатып алды. Оның концерттері үлкен жетістік. Беляков Бибігүл Төлегенова, Ермек Серкебаев, Әлібек Дінішев, Роза Рымбаева, Нағима Есқалиева, Луки Кесоглу, Лев Лещенко, Лариса Долина, Сергей Захаров және басқалар сияқты тамаша орындаушылармен жемісті ынтымақтастық жасады.

Александр Викторович тек Қазақстанда ғана емес, шетелде де эстрадалық және эстрадалық музыка әлемінде үлкен беделге ие болды. ЮНЕСКО-ның бірқатар халықаралық шығармашылық бірлестіктерінің мүшесі және халықаралық мәдени іс-шараларға белсене қатысады. Бірлескен шығармашылық жобаларды ұйымдастырудағы еңбегі үшін, Ұлы Петр, II дәрежелі (РФ) орденімен марапатталды. Ал Қазақстан музыкалық өнерінің дамуына қызмет көрсету үшін бірқатар мемлекеттік наградалар, оның ішінде «Ерен еңбегі үшін» медалімен және «Қазақстан Республикасының еңбек сіңірген қайраткері» құрметті атағымен марапатталды.

Біз туралы

«Сазген сазы» фольклорлық-этнографиялық ансамблі 1981 жылы халық музыкасының зерттеушісі, көрнекті мемлекеттік қайраткері, тарихшы, ғалым, этнограф Өзбекали Жәнібековтың бастамасымен Ықылас атындағы Республикалық халық аспаптарының мұражайында құрылды.

Құрылған алғашқы күндерден бастап топ халық музыкасының сақталуына және дамуына, сондай-ақ ұлттық музыкалық аспаптарды жандандыруда маңызды міндеттерді орындады. Сарапшылардың айтуынша, қазіргі таңда қазақ музыкасының тарихында 50-ге жуық аспап бар, бірақ тек жартысы біздің күндерімізге жетті.

Олардың ішінде - Сыбызғы, Жетіген, Саз Сырнай, Шертер, Адырна, Сазген, Нарқобыз секілді ескі аспаптар бар. Сазген Саздың бірегейлігі оның әр орындаушысының тек бірнеше құралдарды шебер ойнай білуінде ғана емес, сонымен қатар оларды өз қолымен қалпына келтіруге және тіпті жасауға болатындығы ерекшелендіреді.

Біз туралы

Қазақ КСР Мемлекеттік Телерадиосының Камералық оркестрі жарты ғасырлық тарихы бар ұжым. 1998 жылы ұжым Алматы қаласы әкімінің Концерттік оркестрі деген жаңа мәртебелі атқа ие болды. Ол Қазақстанның камералық жанрдағы пионері болып есептеліп қана қоймай, еліміздегі орындаушы ұжымдардың ішіндегі ең тәжірибелі, шебер және жасампаз ұжымының бірі.

Оркестрдің іс жүзіндегі қызметі ҚР Халық әртісі Мұрат Серкебаевтың есімімен тығыз байланысты. Мұрат Серкебаев ұжымды 1975 жылдан бері басқарып келеді және оның басқаруымен оркестр мегаполистің және Қазақстан Республикасының мәдени өмірінің бір бөлшегіне айналды десек асыра айтпаған болар едік.

Концерттік бағдарламалардың ішіндегі «Жүзжылдықтың музыкалық ішектері мен бұлбұлдары», «Күйден симфонияға дейін», «Қазақ композиторлары – тағдыры үлкен музыканттар», «Туған елім – Қазақстан!», «Ұлы Жібек жолы бойындағы музыкалық сапар», «Ресей әуендерінің шабытты ақындары», «Еуразияның музыкалық картасының жанында», «Ұлы славян композиторлары», «Ғаламшардың музыкалық меридиандары бойымен», «Джаз феериясы уақыт ырғақтары мен алгоритмдері» сияқты концерттері ұжымның мақтанышына айналды.

Бұл бағдарламаларға Ермек Серкебаев, Бибігүл Төлегенова, Роза Жаманова, Әлібек Дінішев сияқты опералық әншілер, әнші жастардың тобы, аспапшы-музыканттар, рок-музыканттар қатысты. Бүгінгі күні оркестрдің жеке орындаушыларының қатарында ҚР Еңбегі сіңген қайраткер Жамиля Баспақова мен Жамиля Серкебаева, халықаралық байқаулардың лауреаттары – Олег Татамиров, Елена Никонова мен Дамир Садуақасов сынды танымал әртістер бар. Әр жылдары оркестр Игорь Богуславский, Георгий Безруков, Алла Васильева, Наталья Гутман, Леонид Ройзман сияқты ресей музыканттарымен бірлесіп қызмет істеді.

Қалыптасқан уақытынан бері Концерттік оркестр Қазақ радиосы мен телевидениесінің алтын қорында үлкен фонотека құрып үлгерді. Оның гастрольдік картасы да өте ауқымды – Москва, Санкт-Петербург, Киев, Прибалтика мен Орта Азия республикалары, Польша, Венгрия, Болгария, Түркия мен Англия.

Ұжым көптеген атаулы күндердің, музыкалық форумдардың, композиторлар съезінің тұрақты қатысушысы болып келеді. Сонымен қатар оркестр белсенді түрде қайырымдылық қызметін атқарып, жас ұрпақтың тәрбиесіне өз үлестерін қосуды ұмытқан емес. Оркестрдің басшылық етуімен мектептерде, колледждерде, университеттерде, еңбек ұжымдары мен әскери бөлімдерде концерттер өткізу дәстүрге айналған.

2018 жылдың жазынан бері оркестрдің көркемдік жетекшісі қызметіне Қазақстанға Еңбегі сіңген қайраткер, танымал скрипкашы және атақты Серкебаевтар династиясын жалғастырушы – Жамиля Серкебаева ие болды.

ЖЕТЕКШІСІ

Серкебаев Мурат Бекмухамедович

1940 жылы Кеңес интеллигенциясының отбасында дүниеге келген. Алматы мемлекеттік консерваториясында жоғары музыкалық білім. Құрманғазы. Ол жерде аспирантураны бітірді.

Мұрат Бекмұхамедұлының негізгі кәсіби қызметі Алматы қаласы әкімінің концерттік оркестрімен байланысты.

Серкебаевтың жетекшілігімен оркестр көптеген мерекелік концерттерге, музыкалық форумдарға қатысып, тек Қазақстанда ғана емес, сонымен қатар шетелде де танымал болды.

Мұрат Бекмұхамедұлы республиканың музыкалық олимпиадасының жетекші шеберлерінің бірі және әріптестерінің арасында үлкен беделге ие. «Айнамкүз» өлеңінің, «Ақұтым-ата», «Дала Келбеті», «Элегия», «Рапсодия», «Туған Гер Туралы Ун» өлеңдерінің авторы және оркестрге көптеген туындылардың авторы.

М.Серкебаев сондай-ақ, көптеген әншілердің, фестивальдердің авторы және модераторы, сондай-ақ қазақстандық орындаушылық мектептің инновациялық оқытушысы ретінде танымал.

Музыкалық өнерді дамыту мен насихаттаудағы ерекше еңбегі үшін жоғары дәрежелі өнер шебері ретінде «Қазақ КСР-нің еңбек сіңірген артисі», «Қазақстан Республикасының халық әртісі» құрметті атағы, Қазақстан Композиторлар Одағының мүшесі болды.

Біз туралы

«Самұрық» заманауи би театры 1998 жылы ҚР Еңбегі сіңген қайраткер Гульнара Адамованың бастамасымен құрылды. Бұл Қазақстандағы әзірге заманауи би өнеріндегі ұлттық ерекшелікті жеткізіп жүрген жалғыз кәсіпқой ұжым.

«Самұрықтың» барлық спектакльдері дерлік жұртшылыққа өзінің ерекше сюжетімен, қызықты хореографиясымен, шеберлігімен танылып, ыстық ықыласына бөленіп келеді. Ұжымның әртістері би техникасының барлығын – классикадан контемпқа дейін - жетік меңгерген және хореографияның әртүрлі бағыттарында жұмыс істейді. Қазіргі кезде оның негізгі құрамында А.Додарходжаева, Е.Эзау, С.Жанибекова, Е.Мукаев, Б.Косманов, Г.Ященко, А.Багликов және басқалары сияқты талантты бишілер бар.

Топтың репертуары әр алуан. Онда би театры жанрындағы толықметражды спектакльдерден бастап әр түрлі хореографиялық миниатюралар бар. Алайда олардың бәрін біріктіретін бір ғана қарапайым, бірақ мәңгілік тақырып – адамның әлеммен қарым-қатынасы... Бастапқы кезде репертуарда Қазақстанның сол замандағы жаңа техникаларына негізделген шығармалар басым болса, соңғы кездері Адамова заманауи би өнеріне ұлттық дәстүрлер мен халық музыкасын пайдалану мүмкіндіктеріне көбірек көңіл бөліп келеді.

«Самұрық» заманауи би театры бірнеше рет халықаралық байқаулар мен фестивальдардың жеңімпазы мен лауреаты атанды. Ол елімізден шалғай жатқан бірнеше елдерде – Түркия (Стамбул), Қытай (Шанхай), Қырғызстан (Бішкек), Ресей (Санкт Петербург), Аустрия (Вена), Германия (Штутгарт) гастрольдік сапармен өнер көрсетіп қайтты. 2011 жылы театр ұжымына өнерге қосқан үлесі үшін «Қазақстан Республикасы Бірінші Президентінің Қоры» сыйлығы табыс етілді.

Алда ұжымды ғаламат үлкен жоспарлары мен жаңа қойылымдар күтіп тұр. Өздерінің әрі қарайғы дамуын «Самұрық» бишілері бұрынғыдай заманауи би өнерін ұлттық мәдениетпен ұштастыра көрсетуді көздеп отыр.

ЖЕТЕКШІСІ

Адамова Гульнара Владимировна

1965 жылы 27 шілдеде Өскемен қаласында дүниеге келген. 1983 жылы Алматы балет мектебін бітірді. Селезнев, ал 1990 жылы – Ресей Театр өнері институтының хореографиялық бөлімі. Мәскеудегі А.В.Луначарскийдің «Хореография бағыты» мамандығы бойынша.

GITIS-да оқыған кезде мен қазіргі заманғы хореография бағытын тереңдетіп оқыдым (курстық мастер – Тарасова О.Г.). Ол сондай-ақ Австрияда, Польшада, Балтық елдерінде және басқа елдерде оқыды. 2000 жылы Лондонда заманауи өнер саласында – VisitingArts және Can doCo және Cholmondalleis-те тәжірибе алды.

Қазіргі заман хореографиясының теориясы мен тәжірибесіндегі алғашқы мамандардың бірі болған Гүлнар Адамова, Алматы хореографиялық мектебінде қазіргі заманғы билерді үйретті. А.В. Селезнева, ол бірқатар концерттік және конкурстық нөмірлерді қойды. 1997-2007 жылдары Т.Қ.Жүргенов атындағы Қазақ Ұлттық Өнер Академиясында заманауи хореография бағытын ұйымдастырды.

1998 жылы қазіргі уақытта «Самұрық» заманауи би труппасын құрды, қазіргі уақытта ол көркемдік жетекші және бас хореограф болып жұмыс істейді. Осы топтың бірегей ерекшелігі қазіргі заманғы балеттің жанрында жұмыс істеу, әмбебап тақырыптарға арналған қойылымдармен қатар, көрерменге ұлттық дәстүрлер мен халық музыкасын заманауи, жаңашыл түсіндірмеде жеткізу. «Армандағы өмір», «Аранжуес», «Екінші қол», «Джаз кафе», «Биде слайд», «Жезтірнақ» ұлттық тақырыбында екі актілі балет, «Екінші жағынан …» , «Вице». Бұдан басқа, труппа «Тақыр» рок-операсының балет әртістеріне қатысты.

Көп жылдар бойы Қазақ мемлекеттік академиялық драма театрында Гүлнәр Владимировна «… және … бір ғасырдан артық уақытқа созылатын шығармалар» хореографы болды. М.Әуезов атындағы орыс мемлекеттік академиялық жастар театрында «Скифтердің құмарлығы – бұл жай ғана бақытсыздық». Н.Сац атындағы Қазақ мемлекеттік академиялық жастар театрында «Жан Азаби». Г.Мүсірепова, Ресей мемлекеттік академиялық драма театрында «Половцевтік алаңның арманы». М. Лермонтов, неміс драма театрындағы «Изумрудный қаланың шебері» музыкалық ертегі, Воронеж драма театрындағы «Севилья шеберханасы» музыкалық пьесасы және ГАТОБ балет әртістері үшін заманауи қойылымдар. Абай.

Елдің мәдениеті мен өнерін дамытуға және оны сақтауға қосқан үлесі үшін Гүлнар Адамова Қазақстанның еңбек сіңірген қайраткері атағына ие болды.